चौथो एसियाली जोरखाने खेलकुद प्रतियोगिता आजदेखि

३२ साउन, काठमाण्डौ । चौथो एसियाली जोरखाने खेलकुद प्रतियोगिता आजदेसख सुरु हुँदैछ । पूर्व खेलाडीहरुको आयोजनामा हुन लागेको प्रतियोगितामा १५ राष्ट्रले सहभागीता जनाउने छन् । ‘चौथो एसियाली जोरखाने प्रतियोगिता’ नाम दिएर सञ्चालन सुरु हुन लागेको प्रतियोगिताका भदौ ४ गतेसम्म चल्ने प्रतियोगिताका संयोजक केशव गौतमले जानकारी दिनुभयो ।

प्रतियोगिता राष्ट्रिय खेलकुद परिषद्को कभर्डहलमा हुने छ । प्रतियोगितामा नेपालसहित भारत, पाकिस्तान, बङ्गलादेश, थाइल्याण्ड, मलेसिया, इरान, इराक, अफगानिस्तान, ताजकिस्तान, इण्डोनेसिया, श्रीलङ्का लगायतका राष्ट्रका खेलाडीको सहभागिता हुने बताइएको छ । प्रत्येक देशबाट १० जना खेलाडी, एक जना कोच र एक जना व्यवस्थापक रहने छन् ।