ईन्डोनेशिया जाँदै मिस नेपाल ईशानी श्रेष्ठ, उपाधी जित्ने आशा

यो बर्षकी मिस नेपाल ईशानी श्रेष्ठ ईन्डोनेशियामा आयोजना हुने मिस वल्र्डमा भाग लिन सोमबार त्यता प्रस्थान गर्ने भएकी छिन् । काठमाण्डौमा आयोजना गरिएको एक पत्रकार सम्मेलनमा मिस नेपालको आयोजक संस्था द हिडन ट्रेजरले उनलाई बिदाई गरेको हो ।उनी सेम्टेम्बर ३ देखि २८ तारिख सम्म त्यहाँ रहने बताइएको छ । यस्तै मिस नेपाल अर्थ रोजिशा शाहीले मिस अर्थ प्याजेन्टमा नेपालको प्रतिनिधित्व गर्नेछिन् । मिस नेपाल इन्टरनेशनल श्रृतिमा शाहले मिस इन्टरनेशनमा भाग लिनेछिन् ।

ईन्डोनेशियामा जानु अघि मिस नेपाल ईशानीले आफूले नेपालको नाम चम्काउन र उपाधी जित्नका लागि सक्दो प्रयास गर्ने बताइन् । नेपालले हालसम्म मिस वल्र्डबाट रित्तो हात र्फकनुपरेको छ ।