अण्डामा भएको सेतो भाग स्वास्थ्य का लागि धेरै उपयुक्त

अण्डामा भएको सेतो भाग स्वास्थ्य का लागि धेरै उपयुक्त

कुखुराको अण्डामा हुने एक पेप्टाइडले रक्तचाप घटाउनमा सहयोग गर्ने कुरा वैज्ञानिकहरुले बताएका छन् ।

अमेरिकाको क्लेमसन विश्वविद्यालयका वैज्ञानिकले गरेको एक अध्ययन अनुसार अण्डामा रहेको सेतो भागमा हुने पेप्टाइड आरभीपीएसएलले मानिसहरूमा रक्तचाप घटाउन भूमिका खेल्ने र यसबाट मुटुको स्वास्थ्यमा सकारात्मक प्रभाव पर्ने तथ्य अगाडि सारेका हुन ।

अध्ययनका क्रममा डा. झिपेङ यु को टोलीले उच्च रक्तचाप भएका मुसालाई ५० मिलिग्राम आरभिपिएसएल पेप्टाइड खुवाएर परीक्षण गरेको थियो ।

डा. यु को टोलीले २०० डिग्रि फरेन्हाइट तापमा तताएर आरभीपीएसएल मुसालाई खुवाएकोले उच्च तापले यसलाई असर नपर्ने देखिएको बताइएको छ ।

मानिसहरूले अण्डालाई पकाएर वा उमालेर खाँदा पनि आरभीपीएसएल नष्ट नहुने तथा यो सक्रिय अवस्थामा नै रहने कुरा डा. यु ले बताएका छन ।

त्यसैले रक्तचाप कम गर्नका लागी अण्डाको सेतो भागको सेवन गर्नुपर्ने अध्ययनकर्ताहरूले सल्लाह दिएका छन ।